അയനം

ആദിനാദം തുടിക്കും ഹിമനിരകളിൽ

ജീവതാളം തേടിയെൻ യാത്ര
ജീവനെ പെറ്റൊരീ ഭൂമി തൻ പ്രിയ
നാഥനെ തേടിയെൻ യാത്ര!

കെ വി വിഷ്ണു
24/02/2020

എഴുത്ത്

എഴുതാനായി എഴുതരുത്

തനിക്കായി എഴുതരുത്
പരർക്കായി എഴുതരുത്
ഉള്ളിലുരുകും ചിന്തകൾ
ഉറക്കം കളയുമ്പോൾ,
സുഖമെഴുമാനൊമ്പരം
നിൻഎഴുത്തായി വിരിയണം!

കെ.വി.വിഷ്ണു
18/02/2020

കവിത

കവിതയൊന്നെഴുതണമിന്നെനിക്കെന്റെ

ചോര ചുവപ്പിൽ വിരൽ തുമ്പു മുക്കി

ജീവസ്പന്ദനത്തിനാലതിൻ താളം തീർത്ത്
പ്രണയവും വിരഹവും ചേർത്തതിൻ വൃത്തം

ചമച്ചും,പിന്നെയുള്ളിൽ നുരക്കുമാമുന്മാദത്തി-
നീരടികളൊളുപ്പിച്ചോരെൻ ജീവിത കവിത

വിഷ്ണു കെ വി
O3-02-2020