ഏതാനും വര്ഷങ്ങള്ക്കു മുൻപ് "ഡാവിഞ്ചി കോഡ് എന്ന സിനിമ കാണുവാൻ ഇടയായി ആ സിനിമയിൽ നിന്നാണ് ഡാൻ ബ്രൗൺ എന്ന എഴുത്തുകാരനെ ഞാൻ അറിയുന്നത് തുടർന്ന് അദ്ദേഹത്തിന്റെ പുസ്തകത്തിനായുള്ള തിരച്ചിലിൽ എന്നിലേക്ക്‌ വന്നു ചേർന്ന പുസ്തകങ്ങൾ ആണ് "Demons and Angels" "The Lost Symbol" "Inferno" പിന്നെ "The Da'Vinci Code" അദ്ദേഹത്തിന്റെ ഈ നാല് പുസ്തകങ്ങൾ മാത്രമേ ഞാൻ വായിച്ചിട്ടുള്ളു. റോബർട്ട് ലാങ്ടൺ എന്ന സിംബോളജിസ്റ് പ്രഫസ്സറും അദ്ദേഹത്തിന്റെ കുറ്റാന്വേഷണങ്ങളും ആണ് ഓരോ ബുക്കും.
1. Demons And Angels
തുടക്കം മുതൽക്കു അവസാനം വരെയും ത്രില്ല് ഒരിടത്തു പോലും നഷ്ട്ടപെടുത്താത്ത നോവൽ ആണ് ഡെമോൺസ് ആൻഡ് ഏഞ്ചൽസ് . സെർണിലെ പരീക്ഷണശാലയിൽ നിന്നും ന്യുക്ലിയർ ആയുധത്തേക്കാളും ശക്തിയേറിയ ആന്റിമാറ്റർ അടങ്ങിയ ഏതാനും കാനിസ്റ്ററുകൾ മോഷ്ടിക്കപ്പെടുന്നു കൂടെ ലിയനാർഡോ വെട്രാ എന്ന ശാസ്ത്രജ്ഞൻ കൊല്ലപ്പെടുകയും ചെയുന്നു അദ്ദേഹത്തിന്റെ ശരീരത്തിൽ "ഫയർ എയർ എർത്തു വാട്ടർ" എന്ന് പ്രത്യേക രീതിയിൽ കുത്തിവരച്ചിട്ടാണ് കൊലയാളി പോകുന്നത്. തുടർന്ന് റോബർട്ട് ലാങ്ടൺ എന്ന സിമ്പോളൊജി പ്രൊഫെസ്സർ ഇതിലേക്ക് വരികയും വെട്രയുടെ മരണത്തിന്റെ അന്വേഷണം അദ്ദേഹത്തെ വത്തിക്കാനിൽ എത്തിക്കുകയും ചെയ്യുന്നു. ആസമയം വത്തിക്കാനിൽ പോപ്പിന്റെ മരണശേഷം അടുത്ത പോപ്പിനെ കണ്ടെത്തുന്നതിന് വേണ്ടിയുള്ള തിരഞ്ഞെടുപ്പ് നടക്കുകയാണ്, അവിടെ വെച്ച് അടുത്ത മാർപാപ്പ ആകാൻ സാധ്യതയുള്ള കർദിനാൾമാർ ഓരോരുത്തരായി വെട്രയുടെ സാമാനമായ രീതിയിൽ കൊല്ലപ്പെടുന്നു ഈ മരണത്തിനെല്ലാം പിന്നിലുള്ള രഹസ്യമാണ് കഥതന്തു! ഇല്യൂമിനേറ്റി, സീക്രെട് ബ്രദർ ഹൂഡ്സ്, വത്തിക്കാൻലൈബ്രറി, ഗലീലിയോയുടെ പുസ്തകങ്ങളിലെ രഹസ്യങ്ങൾ സൂചനകൾ, എന്നിങ്ങനെ ഒരുപാട് ചുരുളഴിയാത്ത രഹസ്യങ്ങളെ തന്റെ കഥാപാത്രത്തിലൂടെ ചുരുളഴിക്കാൻ ശ്രമിക്കുകയാണ് ലേഖകൻ. മിസ്റ്ററി നോവലുകൾ ഇഷ്ടപെടുന്നവർക്കു വായിച്ചാൽ നിരുത്സാഹപെടേണ്ടി വരില്ലാത്ത നോവൽ തന്നെയാണ് ഇത് .
2. The Lost Symbol
എനിക്കേറ്റവും ഇഷ്ട്ടപെട്ടതും അതെ സമയം പലവട്ടം വായന നിർത്തി വെക്കുകയും ചെയ്ത ബുക്ക് ആണ് ദി ലോസ്റ്റ് സിംബൽ. തുടക്കമേ വരുന്ന ലാഗ് ആണ് പലവട്ടം ഈ പുസ്തകം വായിക്കുന്നതിൽ നിന്നുമെന്നെ തടഞ്ഞത്. എന്നാൽ ആദ്യത്തെ 2-3 ഭാഗത്തിനു ശേഷം പിന്നെ ലാഗ് എന്തെന്ന് തോന്നിപ്പിക്കുക പോലും ചെയ്തില്ല എന്നത് അദ്ദേഹത്തിന്റെ നാല് രചനകളിൽ ഇതിനെ എനിക്കേറ്റവും പ്രിയപെട്ടതാകുകയും ചെയ്തു. കൂടാതെ ഇതിൽ ഫ്രീ മേസണറി പോലുള്ള സീക്രെട് സൊസൈറ്റികളെ കൂടുതൽ വിശദമായി പരിചയപെടുവാനും സാധിക്കുന്ന കഥ സന്ദർഭങ്ങൾ കൊണ്ട് സമ്പുഷ്ടമാണ് ഈ ബുക്ക്. മിസ്റ്ററി ത്രില്ലെർ സീരീസിൽ എന്റെ ആൾ ടൈം ഫേവറേറ്റ്. മലഖ് എന്ന അജ്ഞാതൻ അമേരിക്കയിലെ കോടീശ്വരനായ പീറ്റർ സോളമൻ കിഡ്നാപ് ചെയ്യുന്നു അതേസമയം പീറ്റർ സുഹൃത്തായ റോബർട്ട് ലാങ്ടണിനെ മുൻപെപ്പോഴോ സൂക്ഷിക്കുവാൻ നൽകിയൊരു ബോക്സും ആയി തന്നെ വന്നു കാണുവാൻ സന്ദേശവും അയക്കുന്നു. ഈ രണ്ടു സന്ദർഭങ്ങളിൽ നിന്നും കഥ വികസിക്കുന്നു ശേഷം ആരാണ് മലഖ് എന്തിനു അയാൾ വന്നു അയാളുടെ ലക്‌ഷ്യം എന്തു എന്നു പറഞ്ഞു കൊണ്ട് കഥ അവസാനിക്കുന്നു. ഇതിനിടയിൽ അത്ഭുതപ്പെടുത്തുന്ന മിസ്റ്ററികളിലേക്കു കഥയുടെ ചുരുളഴിയുന്നു . വായനാപ്രേമികൾ തീർച്ചയായും ഡാൻ ബ്രൗണിന്റെ മസ്റ്റ് റീഡ് വിഭാഗത്തിൽപെടുത്തണം ഈ പുസ്തകത്തിനെ.
3. Inferno
ലളിതമായി കഥ പറഞ്ഞു പോയിരിക്കുന്ന രചനയാണ്‌ ഇൻഫെർണോ. ലാഗ് ഒട്ടും ഇല്ലാത്തതു കൊണ്ട് മുഷിപ്പിക്കില്ല. ഇറ്റലിയും തുർക്കിയും കഥാ പരിസരം ആവുമ്പോൾ ഡാങ്കെ അലിഗറിയുടെ ഇൻഫെർണോ എന്ന രചന ഈ മിസ്റ്ററി ത്രില്ലറിലൂടെ വിശദികരിക്കപ്പെട്ടിരിക്കുന്നു. നായകനായ റോബർട്ട് ലാങ്ടണിന് ഒരപകടം പറ്റുകയും അദ്ദേഹത്തിന്റെ ഓർമ്മ ഭാഗീകമായി നഷ്ടപ്പെടുകയും ചെയ്യുന്നു. പിന്നീട് കണ്ണ് തുറക്കുന്നത് ഹോസ്പിറ്റൽ ബെഡിലാണ് അവിടെ വെച്ചു സെയ്ന്ന ബ്രൂക്ക്സ് എന്ന നഴ്സിലൂടെ താൻ അപകടത്തിൽ നിന്നും രക്ഷപെട്ടു അവിടെ എത്തിപെട്ടു എന്ന് മനസിലാക്കുന്നു എന്നാൽ ആര് തന്നെ അപകടപ്പെടുത്തി എന്നോ എന്തിനു അവർ തന്നെ അപകടപ്പെടുത്താൻ ശ്രമിച്ചുവെന്നോ എന്ന് ഓർക്കുവാൻ അദ്ദേഹത്തിനു കഴിയുന്നില്ല തുടർന്ന് സെയ്ന്ന ഭ്രൂക്സിന്റെ സഹായത്തോടെ തനിക്കു സംഭവിച്ചത് എന്തെന്ന് കണ്ടെത്തുന്നതാണു കഥ. ഡാങ്കെയുടെ ഡിവൈൻ കോമെടിയിൽ പറഞ്ഞിരിക്കുന്ന നരകത്തിനു മുൻപുള്ള ഒൻപതു തലങ്ങൾ ഡാങ്കെയുടെ ഡെത്ത് മാസ്ക് തുടങ്ങി ഓരോന്നിന്റെയും ചുരുളുകൾ അഴിച്ചു മുന്നോട്ട് പോകുന്നു കഥ!
4. The Da'Vinci Code
ലോകം മുഴുവൻ പ്രശസ്തിയും വിവാദവും സൃഷ്ട്ടിക്കപെട്ട രചനയാണ്‌ ദി ഡാവിഞ്ചി കോഡ്. സിനിമ കണ്ടിട്ടുണ്ടെങ്കിലും വായിക്കാവുന്ന പുസ്തകമാണ് ഡാവിഞ്ചി കോഡ്. കാരണം സിനിമയേക്കാൾ കൂടുതൽ നല്ല അനുഭവം പുസ്തകം നൽകുന്നു. ഡാവിഞ്ചിയുടെ അവസാനത്തെ അത്താഴം മൊണാലിസ എന്നീ ചിത്രങ്ങളിലെ രഹസ്യങ്ങൾ ചുരുളഴിക്കാൻ ശ്രമിക്കുകയാണ് ഡാൻബ്രൗൺ തന്റെ കഥ പാത്രമായ ലാങ്ടണിലൂടെ. വിവാദങ്ങൾ മാറ്റി നിർത്തിയാൽ ഡാൻബ്രൗണിന്റെ മികച്ച സൃഷ്ടിയാണ് ഡാവിഞ്ചി കോഡ്. സിലസ് എന്ന കൊലയാളി ജാക്‌സ് സോവിനിർ എന്ന loure മ്യുസിയത്തിലെ ക്യുറേറ്ററെ കൊല്ലുന്നു എന്നാൽ മരിക്കുന്നതിനു മുൻപ് അദ്ദേഹം ചില സൂചനകൾ തന്റെ ശരീരത്തിലും മ്യുസിയത്തിലുമായി ഒളിപ്പിച്ചു വെക്കുന്നു. മരിക്കുന്ന ദിവസം റോബർട്ട് ലങ്‌ടോണുമായി കൂടിക്കാഴ്ച നിശാചായിച്ചിരുന്നതായി കണ്ടെത്തുന്ന പോലീസ് ലാങ്ടണെ സംശയത്തിന്റെ പേരിൽ അറസ്റ്റ് ചെയ്യുന്നു എന്നാൽ സോവനീറിന്റെ ചെറുമകൾ പൊലീസിലെ തന്നെ ക്രിപ്റ്റോഗ്രാഫർ ആയ സോഫിയുടെ സഹായത്തോടെ പോലീസിന്റെ കസ്റ്റഡിയിൽ നിന്നും രക്ഷപെടുകയും സോവിനിർ കുറിച്ചു വെച്ച കോഡിന്റെ ചുരുളഴിച്ചു കൊലപാതകിയിലേക്കു എത്തിച്ചേരുന്നതാണ് കഥ . ക്രിസ്തിയാനിറ്റിയിലെ ഹോളി ഗ്രൈൽ റോസ് ലൈൻ പ്രിയോറി ഓഫ് സിയോൺ ഓപസ് ഡെയ് എന്നീ വിഷയങ്ങളെയെല്ലാം കൂട്ടിയിണക്കി അതിമനോഹരമായൊരു മിസ്റ്റിക് അന്തരീക്ഷം സൃഷ്ടിച്ചിരിക്കുന്നു ബ്രൗൺ. സംഗതി മതം കൂടുതലായി കലര്ന്ന കൊണ്ട് തന്നെ അധിക വിമർശനത്തിനും ഇടയാക്കി ഈ രചന.
പുസ്തകം വാങ്ങുവാൻ ലിങ്കുകൾ ചുവടെ
വിഷ്ണു കെവി
02/07/2020
No comments:
Post a Comment