ഞാൻ

രൂപങ്ങളനേകം പൂണ്ടു ഞാൻ യുഗങ്ങളിൽ..

നായായി നരിയായി നരനായി..

പൂവായ് പുഴുവായി പറവയായി..

യുഗങ്ങൾ താണ്ടിയലഞ്ഞീയൂഴിയിൽ..

അനേകം രൂപാരൂപങ്ങളിലൂടെ!

ഒരുനാളും ജനിച്ചതുമില്ല ഞാൻ !!

അതിനാൽ മരണവുമില്ലെനിക്കെപ്പോഴും!!

രൂപങ്ങൾ പേറിയലഞ്ഞൊരുപാടു നാളുകൾ

അരൂപിയായും അലഞ്ഞു നടന്നെനെങ്ങുമേ

അലയും കാറ്റിൽ പറന്നുനടന്നൊരുന്നാൾ

ചെന്ന് വീണെപ്പൊഴോ ഒഴുകും നദിയിൽ!

പിന്നെ നീന്തി ചെന്നങ്ങാഴി തൻ നീലിമയിൽ -

അലിഞ്ഞെപ്പോഴോ !! ആഴിതന്നാഴം അളന്നുന-

ടന്നൊരുന്നാൾ ഊഴി തന്നിൽ വീണ്ടും

വന്നു ചേർന്നെനിതെങ്ങനെയോ!!

കാലത്തിന്റെ നിയതിയോ 

പൂർവ്വ കർമ്മത്തിന്റെ ഫലമോ

മറ്റൊരു മർത്യ രൂപം പൂണ്ടിങ്ങു വീണ്ടും

മൽ കർമ്മഭാണ്ഡം ഒഴിപ്പതിന്നലയുന്നു !

എന്നാൽ മറന്നേനൊരു മഹാസത്യമിന്നു  !

കാലചക്രം പോലത്രേ യീ കർമ്മവും

അതിനന്ത്യമില്ലൊരുന്നാളുമെന്നതു !

KV.Vishnu
01/08/2019