ചില ക്വാറൻറ്റൈൻ ചിന്തകൾ

വെറുതെ ഇരുന്നപ്പോൾ മനസ്സിൽ

വിരിഞ്ഞ ചില അടുക്കും ചിട്ടയുമില്ലാത്ത
ചിതറിയ ചിന്തകൾ ! തുടക്കം എങ്ങോ തുടങ്ങി എങ്ങോ എത്തി ആ ചിന്തകൾ!

ബുദ്ധനും റൂമിയും ഓഷോയും ഇവർ മൂന്നു പേരുമാണൻ്റെ ഹീറോസ് !

മൂന്നു പേരും പ്രണയത്തെ കുറിച്ച് മാത്രം ചിന്തിക്കുകയും സംസാരിക്കുകയും പ്രചരിപ്പിക്കുകയും ചെയ്തവരാണ് ! പ്രണയമെന്നാൽ അത് കേവലമൊരു സ്ത്രീ പുരുഷ പ്രണയം മാത്രം അല്ല , അതിൽ ഒതുക്കരുത് ഈ വാക്കിനെ !

പ്രണയം എന്നാൽ അത് ഈ വിശ്വം മുഴുവൻ നിറഞ്ഞു നിൽക്കുന്ന ഒന്നാവണം , വിദ്വേഷം വേരറ്റ വിശുദ്ധ പ്രണയം ! എത്ര മനോഹരമായിരിക്കും വിദ്വേഷമില്ലാത്തൊരു ലോകം, !

പ്രണയിക്കാം ചെറിയൊരീ  കാലം മാത്രം  ഉള്ള ഈ ജീവൻ ദേഹം വിടുന്ന നിമിഷം വരെയും പ്രണയിക്കാം !
❤️❤️❤️

ജാതിയും മതവും ദേശവും കാലവും അതിനു തടസ്സമാവാതിരിക്കാൻ ശ്രമിക്കാം !

ക്ഷമിക്കണം എന്നു പറയുമ്പോൾ ഞാൻ എന്ന ഭാവം അവിടെ തകരുന്നു ! ക്ഷമിച്ചു എന്ന് പറയുമ്പോൾ രണ്ട് ഹൃദയങ്ങളിൽ സൗഹൃദം വീണ്ടും തളിരിടും !

നല്ലൊരു സൗഹൃദം നഷ്ട്ടപെടുന്നതിനേക്കാൾ വലുതൊന്നും സാധാരണ മനുഷ്യ ജീവിതത്തിൽ വിലയേറിയതായി ഇല്ല !

അതു കൊണ്ട് സൗഹൃദങ്ങൾ ഒരിക്കലും നഷ്ട്ടപെടുത്താതിരിക്കാം !

ഈഗോ - എന്ന ഭാവത്തെ ത്യജിക്കാം പ്രണയവും  സൗഹൃദവും വളർത്താം ! വിദ്വേഷം വളർത്താതിരിക്കാം !

ഹാ ഹാ ഹാ
വെറുതെ ഇരിക്കുമ്പോ എത്ര മനോഹരമായ ചിന്തകൾ വരുന്നു !

എന്നിട്ടും "idle mans mind is devils workshop" എന്ന അപവാദം മാത്രം ബാക്കി !

കെ.വി.വിഷ്ണു
23/04/2020